Tuesday 21 February 2017

Beete Hue Sunhere Pal, Sunena ki Shayari

Beete hue sunhere palon ko yaad kar man udaas na karna,
Yun udaas ho kar kabhi un yaadon ki izzat ko kam na karna,
Ae yaar jab bhi puraani yaade ghir aaye,
Un khubsurat lamhon ko apni yaadon me fir se ji kar muskura lena.

Nahin kehte ki beete hue kal ko bhula do,
Nahin kehte ki un lamhon ko apni zindagi se mita do,
Uss beete hue kal ne hi hamare aaj ko banaya hai,
Isiliye un pyare lamho ko apni yaadon me chhupa lo.

Kabhi kabhi yaade dard bhi de jayengi,
Kabhi kabhi aankhe nam bhi ho jayengi
Beeta hua kal chaahe kitna bhi khubsurat kyu na ho,
Jo aaj ki khushiya us kal me khojoge, zindagi bikhar jayegi.

Isiliye Ae yaar un beete lamhon ko apni yaado me sambhaale rakhna,
Akele me yaad kar chupke se muskurana,
Par kabhi un yaadon ko aane waale kal par haawi na karna.

No comments:

Post a Comment